1 oktabr — O‘qituvchi va murabbiylar kuni Kattaqo‘rg‘on tumanida katta tantanalar bilan nishonlandi. 
Qutlug‘ sananing bosh tadbiri tuman markazidagi “Yoshlik” o‘yingohida tashkil qilindi. Unda tumandagi ustoz-muallimlar, maktabgacha ta’lim tizimida ishlayotgan murabbiylar, faxriy pedagoglar jamlandilar. 
Tadbir avvalida tuman hokimi Jamshid Nasriddinov sharafli kasb egalarini, ular timsolida tumandagi barcha o‘qituvchi va murabbiylarni kasb bayrami bilan muborakbod etib, el-yurt rivoji, yosh avlod kamoli yo‘lidagi ezgu faoliyatda omad va muvaffaqiyatlar tiladi.
Ibratli faoliyati bilan e’tibor qozonib kelayotgan bir guruh o‘qituvchi va murabbiylar tuman hokimligining faxriy yorliq, qimmatbaho esdalik sovg‘alari bilan taqdirlandilar. 
Xususan, 38 nafar pedagog tuman hokimining faxriy yorliqlariga munosib ko‘rildi.
Ko‘hna va navqiron kasb egalari jamlangan davrada taniqli san’atkor Dilshod Raxmonov ijrosida yangragan kuy-qo‘shiq tadbir ishtirokchilariga unutilmas lahzalarni hadya etdi.O‘tkir USMONOV.
