Суонси университети (Буюк Британия) олимлари кўк чой таркибида CОVID-19 га қарши курашда фойдали бўлиши мумкин бўлган моддани топдилар. Бу ҳақда RSC Advances журналида чоп этилган тадқиқотда сўз боради.Мутахассислар вируснинг айрим таркибий қисмларига таъсир қилиш орқали САРС-CоВ-2 инфекциясини енгиши мумкин бўлган нарсаларни аниқлаш учун турли хил фитокимёвий моддаларнинг тузилишини таҳлил қилдилар. 132 та модда танлаб олинган ва коронавируснинг асосий протеазаси билан таъсир ўтказиш учун синовдан ўтган. Маълум бўлишича, улардан иккитаси - циннамтаннин-В ва галлокатехин галлат коронавируснинг асосий протеазасини энг самарали блокировка қиладиган фито бирикмалар бўлиб чиқди.
Бешта қоидага биноан аралашма оғиз орқали қабул қилиш учун мос келадиган бир қатор молекуляр хусусиятларга эга бўлиши керак, масалан, бешта донорнинг водород алоқаси ёки ўндан кўп бўлмаган акцепторли водород алоқаси. Галлокатехин галлат бешта қоидага жавоб берганлиги сабабли, қўшимча таҳлил учун бирикманинг ўзи ва унинг аналоглари олинган.
Олимларнинг таъкидлашича, галлокатехин CОVID-19 ни олдини олиш ёки даволашда клиник жиҳатдан самарали ва хавфсиз эканлигини аниқлаш учун қўшимча тадқиқотлар ўтказиш зарур.
aniq.uz
