Ушбу фойдаланишга топширилган мактабгача таълим ташкилотларининг очилиш маросимида туман ҳокими в.б Жамшид Насриддинов ва туман прокурори Эркин Ахмеджоновлар сўзга чиқиб, давлатимиз томонидан мактабгача таълим муассасаларига эътибор кучайтирилгани,жумладан туманда жажжи ўғил-қизларни мактабгача таълим ташкилотларига қамраб олиш кўрсаткичларининг тобора яхшиланиб бораётгани ва бу борада амалга оширилаётган ишлар келгусида янада давом этиши ҳақида сўз юритди. Ота-оналар ва болажонларни ушбу замонавий боғчаларни очилиши билан табриклаб, бу ердан етук инсонлар етишиб чиқиши учун тилаклар билдирди.
53-мактабгача таълим ташкилоти қурилиши учун 2 млрд.сўмдан ортиқроқ маблағ сарфланди. Эндиликда бу мактабгача таълим ташкилотида Янгиравот маҳалласининг 90 нафар жажжи кичкинтойлари тарбияланишади.
Янгиобод маҳалласидаги 2 млрд. 794 млн.сўм маблағ эвазига қад ростлаган 68-мактабгача таълим ташкилоти эса 120 ўринга мўлжаллан. Янги 68-МТТ нинг фойдаланишга топширилиши билан бу маҳалладаги мактабгача ёшдаги болажонлар қамрови 60 фоиздан ошди.
– Юртбошимизнинг мактабгача таълим тизимини ривожлантириш, айниқса, чекка қишлоқ туманларига бераётган эътиборидан биз, ота-оналар беҳад мамнунмиз, – дейди Азиза Боймуродова. – Шу эътибор туфайли маҳалламизда 63-мактабгача таълим ташкилоти ишга тушди.
Янги муассасада болаларни ҳар томонлама баркамол тарбиялаш, мактабга тайёрлаш учун барча шароитлар бор.
Энди бизнинг болаларимиз ҳам худди шаҳарлардагидек инглиз, рус тилларини, мусиқа ва расм чизишни ўрганишади.
Жаҳонгир САФАРОВ.