Каттақўрғон туманида 18-30 ёшгача ишсиз фуқаролар 36 мингдан ортиқни ташкил қилади. Улардан 3424 нафари “Ёшлар дафтари”га киритилган.Қишлоқ хўжалигида ишсиз фуқаролар бандлигини таъминлаш, уларни молиявий қўллаб-қувватлаш, қишлоқ жойларда янги иш ўринларини яратиш мақсадида жорий йил туманда 214 гектар ер майдони ажратилиб, ёшлар бандлигини таъминлаб келмоқда.
Навбатдаги ер ажратиш тадбирлари бугун Таварон ва Мундиён маҳаллалари ёшларининг 13 нафарига “Рўзимурод Мавлонов” ва "Назокат Олтин Даласи" фермер хўжаликларининг унумдор ерларидан 3.25 гектар ер майдони берилди.
Шу қаторда ушбу маҳаллада яшовчи, яқинда Россия давлатидан қайтиб келган Равшан Убайдуллаевга ҳам 25 сотих ер майдони ажратилиб, унга меҳнат қилиши ва оиласи даромадини таъминлаш учун шароит яратиб берилди.
Туманда ёшлар бандлигини таъминлаш ва уларнинг муаммоларини ҳал этиш бўйича ишлар қизғин олиб борилиб, бу борадаги ишлар давом эттирилмоқда.Жахонгир САФАРОВ.
