Каттақўрғон тумани Жавлон маҳалласи ҳудудида “ПАЙШАНБА ЛАЗЗАТ ТАОМИ” МЧЖга қарашли пишиқ ва хом ғишт ишлаб чиқаришга ихтисослашган ғишт заводи ишга тушди.Мамлакатимизда кичик бизнес ва хусусий тадбиркорликни ривожлантиришга алоҳида эътибор қаратилмоқда. Бу ҳудудларнинг нафақат иқтисодий ўсиши, балки жойларда янги иш ўринлари яратилишига хизмат қилмоқда.
Ғишт заводи очилишида Каттақўрғон туман ҳокими А.Бахрамов иштирок этиб, корхона фаолияти билан танишди.
- 4 миллиард сўмлик ўз маблағимиз ҳисобига Хитойдан пишиқ ғишт ишлаб чиқарадиган замонавий ускуналар келтириб ўрнатдик, – дейди корхона раҳбари Шукрулло Эргашев. – Кунига 20-25 мингта пишиқ ғишт ишлаб чиқариш қувватига эга завод ишга туширилиши билан 16 кишининг доимий бандлиги таъминланди.
