Bugun Kattaqo‘rg‘on tumani hokimligida tuman hokimi Jamshid Nasriddinov boshchiligida ommaviy sayyor qabul bo‘lib o‘tdi. Ushbu tadbirda tuman prokurori, soliq inspeksiyasi boshlig‘i, ichki ishlar bo‘limi rahbari hamda boshqa mas’ul tashkilot rahbarlari ishtirok etdi.
Qabul jarayonida fuqarolar va tadbirkorlar o‘zlarini qiynab kelayotgan masalalar yuzasidan murojaat qilishdi. Har bir murojaat diqqat bilan tinglanib, joyida hal etilishi mumkin bo‘lgan muammolar bo‘yicha tegishli mutasaddilarga topshiriqlar berildi. Qonuniy yechim talab etadigan murojaatlar esa nazoratga olinib, belgilangan muddatlarda ko‘rib chiqilishi ma’lum qilindi.
Tadbirda fuqarolar uy-joy, yer munosabatlari, tadbirkorlik faoliyati, soliq va huquq-tartibotga oid masalalar bo‘yicha savollar bilan murojaat qilishdi. Ayrim murojaatlar qabul chog‘ida ijobiy hal etildi, ayrimlari esa mas’ullar tomonidan o‘rganib chiqilishi belgilandi.
Tuman hokimi Jamshid Nasriddinov sayyor qabulning asosiy maqsadi fuqarolarning muammolarini joyida hal qilish, ularning hayotiy manfaatlarini himoya qilish ekanligini ta’kidladi. Shuningdek, aholiga qulaylik yaratish va davlat organlari faoliyatida ochiqlikni ta’minlash bo‘yicha ham ko‘rsatmalar berdi.
Bunday sayyor qabullar aholining davlat idoralari bilan bevosita muloqotini yo‘lga qo‘yish, fuqarolarning murojaatlari bilan ishlash samaradorligini oshirishga xizmat qilmoqda.
