1-iyun – Xalqaro bolalarni himoya qilish kuni munosabati bilan Kattaqo‘rg‘on tuman hokimi Jamshid Nasriddinov tuman tibbiyot birlashmasining bolalar bo‘limiga tashrif buyurdi.
Tashrif davomida hokim bemor bolajonlar holidan xabar oldi, ularni bayram bilan tabriklab, o‘zining ezgu tilaklarini bildirdi. Bayramga xos iliqlik bilan o‘tgan uchrashuvda bolajonlarga turli o‘yinchoqlar, sovg‘alar ulashildi.
Uchrashuv davomida shifoxonadagi kichkintoylarning kayfiyatini ko‘tarish, ularni quvontirishga alohida e’tibor qaratildi. Kichik bemorlarning yuzidagi quvonch, ota-onalarning minnatdor nigohlari – bu tashrifning eng katta samarasidir.
Bolalar salomatligi uchun xizmat qilayotgan tibbiyot xodimlariga ham tashakkur bildirildi.
