Jumladan, 2025-yilgi mahalliy budjet va soliq stavkalari bo‘yicha qaror qabul qilindi.
Kattaqo‘rg‘on tumani Kengashining VI chaqiriq oltinchi sessiyasi bo‘lib o‘tdi. Sessiyani tuman hokimi, Kengash raisi Jamshid Nasriddinov boshqarib bordi.
Kun tartibida quyidagi masalalar ko‘rib chiqildi:
1. Tuman mahalliy byudjetini tasdiqlash va o‘zgartirishlar kiritish.
2. 2024-yilgi mahalliy byudjet to‘g‘risidagi qarorga o‘zgartirishlar kiritish.
3. 2025-yilgi mahalliy byudjet va soliq stavkalari bo‘yicha qaror qabul qilish.
4. Byudjetning erkin qoldiq manbalaridan foydalanish tartibini belgilash.
5. Tuman Kengashining tashkiliy masalalari:
- Tuman Kengashi huzurida ekspert guruhi tashkil etish.
- Kengash va deputat so‘rovlarini yuborish tartibini tasdiqlash.
- Davlat organlari va tashkilotlar mansabdor shaxslarining hisobotlarini eshitish tartibini belgilash.
- Qonunlarni muhokama qilish va Kengash qarorlarini ishlab chiqish tartibini tasdiqlash.
- Deputatlarning saylovchilar oldida axborot berish tartibini belgilovchi nizomni qabul qilish.
6. Fuqarolar murojaatlarini tahlil qilish:
- O‘zbekiston Respublikasi Prezidentining Virtual va Xalq qabulxonasiga 2024-yil davomida kelib tushgan murojaatlar tahlili.
- Sektor rahbarlari tomonidan o‘tkazilgan sayyor qabullar natijalari muhokamasi.
7. Huquqbuzarliklarning oldini olish va jinoyatchilikka qarshi kurashish:
- 2024-yil davomida qonuniylikni mustahkamlash va huquqbuzarliklarning oldini olish yuzasidan tuman prokurori Sh. Xolmurzayevning axboroti.
- Tuman Ichki ishlar bo‘limi boshlig‘i A. Ochilovning jinoyatchilik holati va profilaktika choralari haqida hisobotlari.
8. Ijtimoiy-iqtisodiy masalalar:
- Kambag‘allikni qisqartirish va bandlikni ta’minlash yuzasidan 2025-yildagi maqsadli ko‘rsatkichlar haqida ma’lumotlar eshitildi.
- Maktabgacha va maktab ta’limi sohasida 2025-yil byudjet mablag‘laridan maqsadli foydalanish yuzasidan Sh. Sultonovning axboroti.
Sessiya yakunida muhokama qilingan masalalar bo‘yicha tegishli qarorlar qabul qilindi.
