U energiya tejashning ahamiyatini ta’kidlab, maktabda elektr energiyasidan samarali foydalanish zarurligini aytib o‘tdi.
“Nuroniy” jamg‘armasi tuman bo‘limi raisi Qamariddin Ahmedov 35-umumta’lim maktabida Polvontepa MFY aholisiga, 39-umumta’lim maktabida Kumushkent MFY aholisiga elektr energiyasini tejash va uni samarali foydalanish bo‘yicha tushuntirish ishlari o‘tkazdi. U aholi uchun elektr energiyasini tejashning ahamiyatini va bu jarayonda har bir fuqaro o‘z hissasini qo‘shishi lozimligini alohida ta’kidlab o‘tdi.
Energiya tejash orqali nafaqat iqtisodiy manfaatlarga erishish, balki tabiatni muhofaza qilishga ham hissasini qo‘shish mumkinligini aytdi. U elektr asbob-uskunalaridan samarali foydalanish, energiya tejashda yangi texnologiyalarni joriy etish va turli amaliy maslahatlar berdi. 39-maktabning faolalar zalidagi kunduz kuni svetni yoqilganini ko‘rib, maktab direktoriga tanbeh berdi. U energiya tejashning ahamiyatini ta’kidlab, maktabda elektr energiyasidan samarali foydalanish zarurligini aytib o‘tdi.
Uning so‘zlariga ko‘ra, energiya tejash va samarali foydalanish madaniyatini shakllantirish har birimiz uchun muhim ahamiyatga ega.
Tadbir davomida savol-javoblar tashkil etildi va aholi o‘zlarini qiziqtirgan savollarga javoblar oldi.
Bu kabi tushuntirish ishlari orqali aholi o‘rtasida energiya samaradorligini oshirish va energiya tejash madaniyatini shakllantirish maqsad qilingan.
O‘tkir Usmonov.
