Samarqand viloyati hokimi Erkinjon Turdimov Kattaqo‘rg‘on tumanida bo‘lib, “Saodat Nazarova dalasi” fermer xo‘jaligiga bordi.
Tuman hokimi Jamshid Nasriddinov bilan birga daladagi ishlar va hosil yig‘im-terimining borishi bilan tanishdi.
Fermer xo‘jaligi raisi Sobir Tog‘ayev 44 gektar yer maydoniga g‘o‘zaning yangi navini ekkan. Bugungi kunda fermer gektardan 55 sentner hosil olmoqda.
Ayni paytda bu fermer xo‘jaligida terim qizg‘in davom etmoqda. Paxta terish mashinasi yordamida hosil yig‘ib olinmoqda. Paxta terish mashinasi kuniga 35 tonna paxta termoqda.
Viloyat hokimi, terim jarayonini ko‘rib, fermerlarga minnatdorchilik bildirdi va ularning ishlarini yuqori baholadi. Paxta terimi jarayonining muvaffaqiyatli o‘tkazilishi va yangi navlar yetishtirishda ko‘rsatilayotgan sa’y-harakatlar, viloyatning qishloq xo‘jaligi rivoji uchun muhim ekanligini ta’kidladi.
Erkinjon Turdimovning Kattaqo‘rg‘on tumaniga tashrifi, qishloq xo‘jaligi rivoji va fermerlarning mehnatini qadrlashda muhim ahamiyat kasb etadi.
O‘tkir Usmonov.
