“2024 – YILNING ENG YAXSHI AXBOROT-KUTUBXONA MUTAXASSISI ” respublika ko‘rik-tanlovining Samarqand viloyati bosqichi bo‘lib o‘tdi. Ushbu tanlovda Kattaqo‘rg‘on tuman axborot-kutubxona markazi xodimi Shoira Chuliyeva faxrli o‘rinni egallab, sertifikat va esdalik sovg‘alarini qo‘lga kiritdi.
Tanlov jarayonida Shoira Chuliyeva o‘zining professional mahorati, axborot resurslarini boshqarishdagi innovatsion yondashuvlari va o‘quvchilarga taqdim etgan yuqori sifatli xizmatlari bilan ajralib turdi. U o‘z ishida axborot-kutubxona resurslaridan samarali foydalanishni, o‘quvchilar va jamiyat ehtiyojlariga mos xizmatlar ko‘rsatishni ustuvor vazifa sifatida belgilaydi.
Shoira Chuliyevaning muvaffaqiyati nafaqat uning shaxsiy yutuqlari, balki Kattaqo‘rg‘on tuman axborot-kutubxona markazining umumiy mehnati va intilishlari natijasi hamdir. U, shuningdek, viloyat axborot-kutubxona tizimining rivojiga qo‘shgan hissasi uchun e’tirof etildi.Bunday tanlovlar axborot-kutubxona mutaxassislarining malakasini oshirish va ularning ishiga bo‘lgan qiziqishni orttirish maqsadida o‘tkaziladi. Shoira Chuliyeva kabi mutaxassislar esa, o‘z tajribalari bilan kelajak avlodlar uchun ilhom manbayi bo‘lib xizmat qilmoqda.
Biz Shoira Chuliyevani ushbu yutuqi bilan chin dildan tabriklaymiz va uning kelajakdagi faoliyatida muvaffaqiyatlar tilaymiz!
O‘tkir Usmonov.
