Kattaqurg‘onda Xitoyning Henan provinsiyasi investorlari bilan biznes forum bo‘lib o‘tdi. Ushbu tadbir Samarqand davlat universiteti Kattaqo‘rg‘on filiali tomonidan o‘tkazildi va unda 60 ga yaqin xitoylik investorlar ishtirok etdi.
Tadbirda Kattaqo‘rg‘on shahar hokimi, shahar va tuman hokimi o‘rinbosarlari hamda mahalliy tadbirkorlar ishtirok etib, Xitoy va O‘zbekiston tadbirkorlari o‘rtasida hamkorlikni rivojlantirish maqsadida bir qator muhim masalalarni muhokama qildilar.
Forum davomida sanoat, xizmat ko‘rsatish va qishloq xo‘jaligi kabi sohalarda hamkorlikni yo‘lga qo‘yish bo‘yicha B2B uchrashuvlari tashkil etildi. Ushbu uchrashuvlar orqali ishtirokchilar o‘zaro fikr almashib, yangi imkoniyatlarni ko‘rib chiqdilar.
Tadbir natijasida xitoylik investorlar va kattaqo‘rg‘onlik tadbirkorlar o‘rtasida hamkorlik memorandumlari imzolandi, bu esa kelajakda o‘zaro foydali loyihalarni amalga oshirish imkoniyatlarini yaratadi. Forum o‘zaro ishonchni mustahkamlash va iqtisodiy aloqalarni kengaytirish yo‘lida muhim qadam bo‘lib xizmat qildi.O‘tkir Usmonov.
