Joriy o‘quv yilida o‘quvchilarimiz fan olimpiadalarida a’lo natijalar ko‘rsatdilar. Ularning mehnatlari va tayyorgarliklari o‘z samarasini berdi, natijada viloyat va xalqaro miqyosdagi musobaqalarda yuqori o‘rinlarni egallashdi. Bu yutuqlar ta’limga qo‘yilgan e’tibor va o‘quvchilarning kuchli ishtiyoqining natijasidir.
Viloyat bosqichidagi yutuqlar:
1. Geografiya fanidan 40-maktabning 9-sinf o‘quvchisi Malika Azimjon qizi Ibodullayeva 2-o‘rinni egallab, yaxshi natija ko‘rsatdi.
2. Biologiya fanidan 15-maktabning 10-sinf o‘quvchisi Kamoliddin Nurali o‘g‘li Ozodov 1-o‘rin sohibi bo‘ldi.
3. Matematika fanidan 4-maktabning 11-sinf o‘quvchisi Fazliddin Kamoliddin o‘g‘li Raximberdiyev 3-o‘rinni qo‘lga kiritdi.
Xalqaro olimpiadalardagi yutuqlar:
1. TasIMO Xalqaro olimpiadasida 17-umum ta’lim maktabining 9-sinf o‘quvchisi Sherzod To‘lqin o‘g‘li Ashirboyev kumush medalni qo‘lga kiritib, 2-o‘rinni egalladi.
2. Al-Xorazmiy nomidagi yosh matematiklar xalqaro olimpiadasida 1-ixtisoslashtirilgan davlat umum ta’lim maktabining 7-sinf o‘quvchisi Ashrafjon Obidjon o‘g‘li Ravshanov bronza medalini qo‘lga kiritib, 3-o‘rinni egalladi.
3. Abu Ali ibn Sino nomidagi xalqaro biologiya olimpiadasida 15-umum ta’lim maktabining 10-sinf o‘quvchisi Kamoliddin Nurali o‘g‘li Ozodov 3-o‘rin va bronza medal bilan taqdirlandi.
4. Hindistonda bo‘lib o‘tgan Xalqaro matematika musobaqasida 48-umum ta’lim maktabining 9-sinf o‘quvchisi Davronbek Diyorov katta yoshlilar jamoasida (KeyStageIII) 3-o‘rin va bronza medalini qo‘lga kiritdi.
Bular barcha o‘quvchilarning o‘zlariga bo‘lgan ishonchlari, intilishlari va mehnatlarining samarasidir. Ta’limga ko‘rsatilayotgan yuksak e’tiborning natijasi sifatida, ular o‘zlarining yutuqlari bilan Kattaqo‘rg‘on tumanining shuhratini yanada oshirishdi. Yangi o‘quv yilida barcha o‘quvchilarga yanada yuqori cho‘qqilarni zabt etishida muvaffaqiyatlar tilaymiz.
“Kattaqo‘rg‘on: kecha va bugun”.
