Kattaqo‘rg‘on tumani Yoshlar ishlari bo‘limi, Nogironlar jamiyati, Maktabgacha va maktab ta’limi bo‘limi hamkorligida tumandagi “Yoshlik” istirohat bog‘ida imkoniyati cheklangan yoshlar o‘rtasida “Maftunkor ranglar” ko‘rik-tanlovi o‘tkazildi.
Tanlovda nogironligi bo‘lgan bolalarning rassomlik borasidagi mahoratlari sinovdan o‘tkazildi. Tanlov doirasida nogironligi bo‘lgan bolalar tomonidan yaratilgan san’at asarlarining ko‘rgazmasi ham tashkil qilindi.
Tanlov ishtirokchilarining barchasi esdalik sovg‘alar, medal va diplom bilan taqdirlandi.
O‘tkir Usmonov.
