Bugun O‘zbekiston Respublikasi Vazirligidan hududlardagi muammolarni o‘rganish, ularga yechim topish va bartaraf qilish maqsadida senator Ma’rufova Gulnora Mahmudovna, qurilish ishlari bo‘yicha tuman hokimi o‘rinbosari Lutfulla Rahmonov, xotin-qizlar masalalari bo‘yicha tuman hokimi o‘rinbosari Sayyora Jumayeva Jizmonsoy mahallasiga tashrif buyurdi.
Mehmonlar dastlab mahalladagi 88- va 74- maktablarda olib borilayotgan qurilish ishlari bilan tanishdi.
Ichki yo‘llarning va elektr tarmoqlarining ahvoli bilan qiziqdi. O‘rganish jarayonida 3,5 km tarmoq yo‘li, mahallalarni bog‘lavchi 10,5 km, jami 14 km asfalt yotqizilishi lozimligini, elektr ta’minotini yaxshilash uchun 5 ta transfarmator o‘rnatilib, 70 ta simyog‘och yangilanish kerakligini aniqladi.
Ushbu muammolarni bartaraf qilishda ko‘mak berishini aytib, tegishli maslahatlar berdi.
Senator Gulnora Mahmudovna mahalla yettiligi xodimlari bilan suhbatlashib, aholining ish bilan bandligini o‘rgandi. Ayniqsa, xotin-qizlarni ish bilan ta’minlashga alohida e’tibor qaratilishi lozimligini uqtirdi.
Gulnora Mahmudovna mahalla raisi va maktab direktorlari bilan suhbatlashar ekan, ushbu hududda yashayotgan aholining madaniyati va ma’naviyati quvonarli darajada ekanligni his qilganligini aytdi.
Qishloqlarimizda mehr-oqibat, o‘zbekona xususiyatlar saqlanib turganligini ta’kidladi.
Jizmonsoyning ko‘rkam va bahavo joy ekanligidan xursand bo‘lib, bu mahallaga yana bir bor tashrif buyurishini bildirdi.
O‘tkir USMONOV.
