O‘zbekiston Respublikasi Prezidentining 2024-yil 5-apreldagi “Yoshlarga yer ajratish orqali ularning daromadlarini oshirish va bandligini ta’minlash, shuningdek, yangi yer maydonlarini o‘zlashtirish chora-tadbirlari to‘g‘risida”gi PQ-153-sonli qarorida 2024-yilda qo‘shimcha yer maydonlarini yangidan o‘zlashtirish va qayta foydalanishga kiritish topshirig‘i berilgan.Samarqand viloyati bo‘yicha 20 001 gektar yer maydoni yangidan o‘zlashtirilishi va qayta foydalanishga kiritilishi belgilangan. Shundan, 2000 gektar yer maydoni Kattaqo‘rg‘on tumaniga to‘g‘ri keladi. Bugungi kunda ushbu vazifadan kelib chiqib, tumanda 657 gektar lalmi-yaylov yerlari o‘zlashtirilgan bo‘lib, 261 gektar lalmi-yaylov yerlar toifasiga o‘zgartirish kiritilgan.
Jumladan, joriy yilning mart oyida tumandagi “Kattaqo‘rg‘on chorvachilik” hududida 163,6 gektar, “Bo'ston” hududida 61,3 gektar, “Yangihayot” hududida 75,1 gektar, aprel oyida “Orzu Mahmudov” hududida 104,1 gektar, may oyida “Kattaqo‘rg‘on chorvachilik” hududidan 198 gektar lalmi yerdan yangi yer maydonlari o‘zlashtirilgan. Foydalanishga kiritish bo‘yicha loyiha-smeta hujjatlari ishlab chiqilgan. Unga ko‘ra 396 gektar suvli yer, 261 gektar lalmi yer maydonlari yomg‘irlatib va tomchilatib sug‘oriladigan yerlar, 657 gektar yer maydoni ekin ekishga tayyorlangan. 567 gektar yer maydoniga qishloq xo‘jaligi ekinlari ekilgan. 66 gektar bog‘ barpo qilingan bo‘lib, 24 gektari uzum plantatsiyalari hisoblanadi.
O‘tkir USMONOV.
