Filmda tarixiy muhit, xonlik davri, ulkan saroylar, yirik qo‘shinlar, aqlli, uzoqni ko‘ra oladigan xonlar va boshqa amaldorlar aksi juda aniq ochib berilgan.
25 may kuni Samarqand shahridagi "Moʻjiza" amfiteatrida O‘zbekiston Respublikasi Prezidenti Shavkat Mirziyoyev tashabbuslari bilan suratga olingan "Bahodir Yalangto‘sh" tarixiy-badiiy filmining ilk katta premyerasi o‘tkazildi.
Unda Viloyat hokimi Erkinjon Turdimov, Kinematografiya agentligi direktori Firdavs Abduxoliqov, Agentlik direktor o‘rinbosari Shuhrat Rizayev, rejissyor Jahongir Ahmedov boshchiligidagi film ijodiy guruhi, jurnalist va blogerlar hamda keng jamoatchilik vakillari ishtirok etdi.
