Bugungi kunda ahli sunna orasida turli noto‘g‘ri g‘oyalarini o‘zgalarga targ‘ib qilib, musulmonlar orasiga nifoq solayotgan, mazhabsizlikni da’vo etib, firqalanishga sababchi bo‘layotganlarning aksari Qur’on va Rasululloh sollallohu alayhi vasallamning hadislarini noto‘g‘ri talqin qilishlik va ularni chuqur o‘rganmaslik, islom mohiyatini yetuk anglamaslik samarasidir.
Bir tomondan ekstremistik oqimlar faoliyati, boshqa tomondan missionerlar harakati, uchinchi tomondan esa “ommaviy madaniyat” targ‘ibotchilari musulmonlarga, ayniqsa, yosh avlod ongiga sof Islom dini ta’limotiga zid aqidalarni singdirish, muqaddas e’tiqodimizdan ayirish va o‘zbekona milliy va diniy qadriyatlarimizdan voz kechishga chaqirish yo‘lida muttasil faoliyat olib bormoqda. Buning oqibatida sof Islom ta’limotidan yetarli darajada xabardor bo‘lmagan ba’zi yoshlar ekstremistik g‘oyalarga chalg‘ib, turli jinoyatlarga qo‘l urishmoqda. Ba’zilari afsuski, ana shunday jinoyatlarning qurboniga aylanmoqdalar.
Bu o‘rinda har birimizning zimmamizda islom aqidalarini ta’lim olish bilan bir qatorda, farzandlarimizga ham Islomni ma’rifatparvar, tinchlikparvar, butun insoniyatga faqat yaxshilikni ta’lim beruvchi din ekanini singdirib, sof islom aqidalari bilan ulg‘aytirmog‘imiz lozim bo‘ladi.
Nurali TURSUNOV,
“Xoja Buxoriy” o‘rta maxsus
islom bilim yurti talabasi.
“Xoja Buxoriy” o‘rta maxsus
islom bilim yurti talabasi.
