Мухайё Эшмуродова Каттақўрғон туман марказидан олисдаги “Ёнбошсой” МФЙда каттаю кичик танийди. Сабаби, бу қўли гул аёл ҳунари ва меҳнаткашлиги билан маҳалладошларининг ҳурматини қозонган. Муҳайё опа ўз хонадонида буюртма асосида маҳалладаги аёлларга кийим-кечак тикиб берарди.
Бир куни опа маҳалласидаги 10 нафар хотин-қизни “Аёллар дафтари”дан олиб чиқиш учун тузган лойиҳаси билан маҳалладаги хотин-қизлар фаоли Қодирова Адолат опага учрашди-ю ишлари аввалгидан ҳам юришиб кетди.
- Ўзим яшаб турган хонадонда мўъжазгина тикув цехини ташкил этдим,-дейди Мухайё опа. –Маҳалламиздаги опа-сингилларимиз билан биргаликда хотин-қизлар ва болалар учун кийимлар тикмоқдамиз. Маҳсулотларимизни ҳозирча Ёнбошсой, Мойбулоқ бозорларига сотмоқдамиз. Бундан ташқари буюртма асосида ҳам фаолият юритяпмиз.
Ҳозирда Мухайё опа 3 нафар хотин-қизлар бандлигини таъминлаб, 18 нафар ёшларга тикувчилик сир-асрорларини ўргатмоқда. Келгусидаги мақсади тез орада маҳалладаги 20 нафар хотин-қизлар бандлигини таъминлаш.
