Ўзбекистон Республикаси Конституциясининг 51-моддасига асосан фуқароларнинг қонун билан белгиланган солиқлар ва маҳаллий йиғимларни тўлашга мажбурлигидан келиб чиқиб, яшаб турган уй жойларингизни мол-мулк ва ер солиқларини ўз вақтида тўланг.
Жорий йил учун ҳисобланган солиқларни тўлаш тенг улушларда 15-апрел ва 15-октабрга қадар амалга оширилиши лозим. (Солиқ кодексининг 423-440-моддалари) Ер участкаларидан ҳужжатсиз ёхуд ер участкасига бўлган ҳуқуқни тасдиқловчи ҳужжатларда кўрсатилганидан каттароқ ҳажмда фойдаланилганда, солиқ ставкаси белгиланган ставканинг уч баравари миқдорида ҳисобланади. Агар солиқ имтиёзларини олиш ҳуқуқига эга бўлсангиз, имтиёзларни олиш ҳуқуқини тасдиқловчи хужжатларни мустақил равишда давлат солиқ инспексиясига тақдим этишингиз керак. Солиқ кодексининг 420-моддасига асосан солиқ солиш объектларининг кадастр қиймати мол-мулк солиғининг солиқ базаси ҳисобланади, солиқни ҳисоблаб чиқариш мақсадида солиқ базаси қирқ икки миллион сўмдан кам бўлиши мумкин эмас. Мол-мулкнинг кадастр қиймати ва ер майдонлари ўртасида фарқ аниқланган тақдирда ҳудудий кадастр идораларига мурожаат этишингиз лозим бўлади.
Солиқ кодексининг 88-моддасига асосан солиқ мажбурияти бўйича даъво қилиш муддати, солиқ даври тугаганидан кейин беш йилни ташкил этади.
Солиқ кодексининг 125-моддасига мувофиқ мол-мулк ва ер солиқларини тўлаш муддати тугаганидан кейин солиқ қарзи суд тартибида ундирилади. Тўлов муддати ўтказиб юборилган ҳар бир кун учун Солиқ кодексининг 110-моддасига асосан пеня ҳисобланади.
А.ҚУЛМИРЗАЕВ,
Каттақўрғон тумани Давлат солиқ
инспекцияси бошлиғи.
Каттақўрғон тумани Давлат солиқ
инспекцияси бошлиғи.
