Архивлар-давлатнинг тарихини ўзида мужассам этган ҳужжатли асосга таянган йирик ахборот манбаидир. Шу сабаб "Архивлар-тарих кўзгуси"-дея эътироф этилади.
9 июнь бутун дунёда "Халқаро архивлар куни" кенг нишонланади. Шу ўринда мазкур сананинг нишонланиш тарихига бироз назар солсак:
Ҳар йили нишонланадиган "9 июнь - Халқаро архивлар куни" Халқаро Архивлар Кенгаши томонидан 2007 йилда Квендаги (Канада) Бош Ассамблеясида ташкил этилган.
Мазкур сананинг танланиши ҳам бежиз эмас, зеро, 1948 йилда айнан шу санада ЮНЕСКО қарори билан ва унинг ҳомийлигида Халқаро Архивлар Кенгаши ташкил топган. Халқаро Архивлар Кенгашининг асосий вазифаси дунё архив меросини сақлаш, муҳофаза қилиш ва кенгайтириш ҳамда халқларнинг ўз тарихини ўрганиш ва билишга оид бўлган ҳуқуқларини амалга оширишда ёрдам беришдир.
Архивлар куни-архив иши ютуқлари ва муаммоларига кенг жамоатчилик ва қарорларни қабул қиладиган шахслар эътиборини қаратиш мақсадида ўрнатилган санадир. Мазкур сана кенг миқёсда барча архив ходимлари томонидан касб байрами сифатида нишонланади.
"ЎЗАРХИВ" агентлиги негизида Самарқанд вилоят архив иши ҳудудий бошқармаси Каттақўрғон туман идоралараро шахсий таркиб ҳужжатлари давлат архиви ҳам фаолият олиб боради.
Шу ўринда "9 июнь - Халқаро Архивлар куни "муносабати билан барча ҳамкасбларимизни касб байрами билан чин қалбимиздан қутлаймиз. Ҳужжатли тарихий меросни сақлашда машаққатли, лекин шарафли, фидоийликни талаб этадиган хизматларида муваффақиятлар тилаймиз.
Ойсулув ДОНИЁРОВА,
Каттақўрғон туман Шахсий таркиб ҳужжатлари давлат архиви ҳисобчи-архивчи.
Каттақўрғон туман Шахсий таркиб ҳужжатлари давлат архиви ҳисобчи-архивчи.
