Sharof Rashidov nomidagi Samarqand Davlat universitetining Kattaqo‘rg‘on filialida Sohibqiron Аmir Temur tavalludining 686 yilligi munosabati bilan "Sohibqiron Аmir Temurning ibratli umri" mavzusida ma’naviy-ma’rifiy tadbir bo‘lib o‘tdi.
Ma’lumki, har yili 9-aprel kuni Аmir Temurning tavvalud sanasi yurtimizda katta tantanalar bilan nishonlanadi. Shu munosabat bilan SamDU Kattaqo‘rg‘on filialida o‘tkazilgan tadbirda o‘qituvchi va talabalarda katta qiziqish uyg‘otdi. Samimiy va savol-javoblar tarzida o‘tkazilgan muloqotni Yozuvchilar uyushmasi viloyat bo‘limi rahbari, shoir va publitsist Toshpo‘lat Tugalov olib bordi.
SamDU professori, yuridik fanlari doktori Ziyodulla Muqimov, Xalqaro Аmir Temur jamoat fondi Samarqand viloyat bo‘limi rahbari professor Qo‘ziboy Mamarahimov, Аmir Temur shaxsi va uning jangovor faoliyatining o‘ziga xosligi, bobomizning o‘zbek davlatchiligi tarixida tutgan o‘rni, dunyoga mashhur Temur tuzuklarining yosh avlod ta’lim taribiyasidagi ahamiyati haqida so‘z yuritdi.
Ochiq muloqot tarzida kechgan tadbirda talabalar tomonidan berilgan savollarga mehmonlar javob berishdi. O‘zbekiston Yozuvchilar uyushmasi viloyat bo‘limi rahbari Toshpo‘lat Tugalov "Samarqand mushoirasi" nomli she’rlar to‘plami, "Ijod yo‘li" gazetasining yangi sonlarini, professor Ziyodulla Muqimov esa Temur haqida yozgan asarlarini faol talabalar hamda filial kutubxonasiga sovg‘a qilishdi.
Ta’kidlash joizki, bu kabi ma'navi-ma’rifiy tadbirlar yosh avlodning tariximizga oid bilimini boyitish, ulug‘ bobolarimiz siymosiga hurmat-ehtiromini yanada yuksaltiradi.
SamDU KF axborot xizmati.
