САВОЛ:Мен мактабгача таълим ташкилотида ишлайман, тарбиячи ёрдамчиси бўлиб, 24 кунлик навбатдаги таътилимни ўтаб бўлдим. Энди менга ҳақ тўланадими? Илтимос тўланса, шу ҳақда маълумот берсангиз.
ЖАВОБ:
Адлия вазирлиги томонидан 2020 йил 28 мартда 3228-сон билан давлат рўйҳатидан ўтказилган “Карантинга оид чоралар амал қилиши даврида ходимларни масофавий иш усулида, мослашувчан иш графигида ёки уйда ишлашга ўтказишнинг вақтинчалик тартиби тўғрисида”ги низомнинг 1-бандига асосан:
карантин даврида иш берувчилар ходимларни розилиги билан уларни масофавий иш усулида, мослашувчан иш жадвалида ёки уйда ишлашга ўтказишлари мумкин.
Мазкур қоидага мувофиқ, иш берувчи ходимни масофавий ёки уйда ишлаш режимига ўтказган ҳолда, унга меҳнат қилиш шароитини яратган ҳолда, ишлатиши ва иш учун ҳақ тўлаши энг мақбул чора деб ҳисоблаймиз.
Агар бу каби чораларнинг имкони бўлмаса, МКнинг 159-моддасига мувофиқ, ходимга бекор туриб қолинган вақт учун ўртача иш ҳақи тўланишига тўғри келади.
@yuristkadr
