ҚОИДАБУЗАР ТЕГИШЛИ ЖАЗОСИНИ ОЛДИ

0 153

Маълумки, дарё қирғоғидаги ҳимоя ҳудудларидан рухсатсиз қум ва шағал қозиш ишларини амалга ошириш таъқиқланган. Лекин, афсуски фуқароларимиз томонидан бу соҳадаги қоидабузарликлар ҳали ҳам давом этмоқда. 

Яқинда, навбатдаги текшириш давомида туман Экология ва атроф-муҳитни муҳофаза қилиш инспекцияси ходимлари томонидан Шуҳрат Ҳикматуллаев исмли фуқаро Каттақўрғон туман Уйшун МФЙ ҳудудидан оқиб ўтувчи Қорадарё дарёсининг муҳофаза зонасидан ўзига тегишли бўлган “HUNDAI” русумли экскватор техникаси ёрдамида ноқонуний равишда қум-шағал қазиб олаётгани ва бу орқали ер ва ер ости бойликларини талон-тарож қилаётгани ҳамда сувни ифлослантираётганлиги аниқланди.
Бу орқали фуқаро Ш.Ҳикматуллаев томонидан Ўзбекистон Республикасининг “Табиатни муҳофаза қилиш тўғрисида”ги қонуни 2- моддаси, “Муҳофаза этиладиган табиий ҳудудлар тўғрисида”ги қонунининг 41-моддаси талаблари бузилган деб топилиб, унга тегишли баённома орқали Ўзбекистон Республикаси Маьмурий жавобгарлик тўғрисидаги Кодексининг 82-моддаси 2-қисми билан базавий ҳисоблаш миқдорининг ўнбаравари миқдорида жарима қўлланилди ва жарима тегишли тартибда ундирилди.


И. ҚОДИРОВ,
туман Экология ва атроф-муҳитни муҳофаза килиш инспекцияси бошлиғи.




Ўхшаш янгиликлар


ЖАМОАТЧИЛИК НАЗОРАТИ