Пайшанба ҳудудида кўплаб тарихий жойлар, тепаликлар, обидалар бўлган.Ҳозирги кунгача Қаландархона жомий масжиди, Муҳаммад амири Нақиббек мадрасаси, Давгон ота,Занжирли ота, Саид Жалолиддин қабристонлари сақланиб қолган. Собиқ Совет даврида ўғит омборига айлантирилган Қаландархона жомий масжиди мустақиллик йилларида қайта таъмирланиб, номозгоҳ жойга, Саид Жалолиддин мақбараси ҳам ҳашар йўли билан тикланиб зиёротгоҳга айлантирилди. Пайшанба шаҳарчасининг марказида жойлашган Муҳаммад амири Нақиббек мадрасаси 1791 йилда қурилган ва 1928 йилда ёпилиб, ўғитхона омборига айлантирилган.Собиқ Совет даврида ҳам бу мадрасани музейга айлантириш ҳақида гап бўлган. Лекин, мадрасани диний жой деб,шўролар қаршилик қилишган. Тарихий обидалар халқ мулки,уни кўз қорачиғидек асраб, келажак авлодга қолдириш ҳар бир маърифатпарвар кишининг муқаддас бурчидир.
2015 йилдан бошлаб бу мадрасани таъмирлаб, туман тарихий музейига айлантириш борасида ишлар олиб борилмоқда. Тезроқ таъмираш ишлари тугалланиб, тарихий музей ўз фаолиятини бошласа, халқимиз, айниқса, ёш авлод туманимиз тарихини, бу масканда яшаб ўтган улуғ алломалар, тарихий обидалар ҳақида маълумот оладиган маърифат масканига эга бўларди.
И.ФАЙЗИЕВ,
Ўзбекистон Республикаси маданият-маърифат аълочиси.
