Коронавирус фаоллашадиган ҳарорат даражаси айтилди

0 154

Гонконг университети олимлари коронавирус айниқса фаол бўладиган ҳароратни маълум қилишди. Тегишли маълумотлар medRxiv порталида чоп қилинган, деб хабар бермоқда aniq.uz

Таъкидланишича, коронавирус 4 даража иссиқликдан бошлаб узоқ муддат давомида юқори барқарор ҳолатда бўлиши мумкин. Хона ҳароратида вирус 7 кунгача омон қолиши мумкин. 14 кундан кейин унинг фаоллиги пасайиб, йўқ бўлиб кетади.


Шу билан бирга, SARS-CoV-2 юқори ҳароратга дош бера олмайди. 56 даражада вирус ярим соат ичида ўлади, 70 даражада эса беш дақиқада ундан асар ҳам қолмайди.Тиббий ниқоб устида вирус 7 кунгача сақланиб қолиши мумкин, шунинг учун уни мунтазам алмаштириб туриш керак, кўп маротаба ишлатиладиганларини эса тез-тез дезинфекция қилиб туриш керак.


Ҳар қандай буюмнинг устки қисми дезинфекция қилинганда вирус 5 дақиқа ўлади.Мутахассислар дезинфекция учун таркибида хлор бўлган воситалардан фойдаланишни тавсия қилишган.


Эслатиб ўтамиз, санитария-эпидемиология назорати давлат инспекцияси бошлиғи Нурмат Отабеков докадан қилинган ниқобларни ёки тиббий ниқобларни иложи бўлса, бир марта ишлатгач, йўқотиш кераклигини маълум қилган эди.




Ўхшаш янгиликлар


ЖАМОАТЧИЛИК НАЗОРАТИ