Ўзбекистон Республикаси Президенти Шавкат Мирзиёев раислигида жорий йилнинг 27 февраль куни тадбиркорликни ривожлантириш орқали камбағалликни қисқартиришга қаратилган чора-тадбирлар бўйича видеоселектор йиғилишида мамлакатимизда камбағалликни қисқартириш ҳисобига аҳоли бандлигини таъминлаш ва оилалар учун даромад манбаи яратишга алоҳида эътибор қаратилди.
Видеоселектр йиғилишида берилган топшириқларнинг бажарилишини таъминлаш мақсадида Каттақўрғон тумани ҳокимлиги томонидан туманда истиқомат қилиб келаётган 28 та камбағаллик даражасидаги хонадонларга 20 гектар ер майдони боғдорчилик (узумчилик) фаолият билан шуғулланиш учун бўлиб бериладиган бўлди.
Куни кеча олдиндан белгиланган режага асосан ушбу ҳудуддаги 20 га ер майдони 28 та камбағал оилаларга узумзор барпо қилиш учун бўлиб берилди. Натижада бугунги кунгача ушбу ер майдонларига туман ҳокимлиги томонидан 18 мингта ток ниҳол экилди. Бу эса келгусида узум етиштириб, даромад олиш ҳисобига қўшимча моддий маблағ ишлаб топиш ҳисобидан камбағалликдан бутунлай халос бўлиш имкониятини яратади.Каттақўрғон туман ҳокимлиги Ахборот хизмати.
