Туманимизда 2020 йил дон ҳосили учун 8926 гектар, шундан ғўза қатор орасига 4726 гектар, очиқ майдонларга 4200 гектар ер майдони ажратилган. Ана шу майдонларга бошоқли дон уруғлари экилиб, пешма-пеш суғориш ишлари якунланди. Бугунги кунда ғалла экилган майдонларда тўлиқ ниҳол ундириб олишга эришилди. Мавсум давомида ғалла экиладиган майдонларнинг ҳар бир гектарига 300 кг.дан фосфорли ва 100 кг.дан калийли минерал ўғитлар билан ишлов берилиши учун минерал ўғитларни шахобчадан олиб, фермер хўжаликлари далаларига етказилиши ва уларни тўлалигича ерга сепилиши инспекциянинг туман бўлими ходимлари томонидан тўлиқ назоратга олинди.Бу йилги ғалла экишда янги инновацион техникалардан фойдаланишга алоҳида эътибор қаратилди. Жумладан, туманга олиб келтирилган 10 дона Туркияда ишлаб чиқарилган янги дон экиш селкаларидан фойдаланиш эвазига сара уруғ сифатли ва қисқа муддатларда экилди. Ушбу сеялкаларнинг афзаллиги шундаки, дон уруғлари эгатларга бир меъёрда ва белгиланган чуқурликда экилади. Бу эса далада тўлиқ ниҳоллар униб чиқишини таъминлашда қўл келди.
Айни пайтда униб чиққан майсаларни сақлаш, агротехник тадбирлар асосида парваришлаш, маҳаллий гўнг жамғариш, ғалла экилган дала майдонлари атрофини ўраш ва заракунандаларга қарши кураш чора-тадбирларини қўллаш изчил олиб борилмоқда.
Нурали Номозов,
Агросаноат мажмуи устидан назорат қилиш инспекцияси туман бўлими бошлиғи.
Агросаноат мажмуи устидан назорат қилиш инспекцияси туман бўлими бошлиғи.
