2019 йилнинг 29 октябрь куни соат 08:17да Самарқанд шаҳри Зафар кўчасида жойлашган 4-уйнинг 7-хонадонида ёнғин содир бўлаётганлиги ҳақида ёнғин-қутқарув хизматига хабар келиб тушган.Ўзбекистон Республикаси ФВВ ЁХББ ОАВ билан ҳамкорлик қилиш бўлинмаси маълумотида айтилишича, ёнғинга 2 та ёнғин ўчириш техникалари жалб этилган. Воқеа жойига 5 дақиқада етиб борган ёнғин ўчирувчиларнинг тезкор ҳаракатлари натижасида ёнғин соат 08:25 да ўраб олинган ва соат 08:50 да бартараф этилган. Ёнғин оқибатида яшаш уйи ошхонасининг 15 кв. метр майдонда ички жиҳозлари ёниб зарарланган. Ёнғинни бартараф этиш вақтида 1952 й.т. уй бекаси фуқаро Р.Г.нинг куйган ҳолда жасади топилган.
Ҳодисанинг келиб чиқиш сабаби юзасидан дастлабки суриштирув ишлари олиб борилганда, юқорида кўрсатилган манзилда газ ускуналарини ўрнатиш қоидаларига бузилганлиги маълум бўлган.
Ёнғинни тахминий келиб чиқиш сабаби - хонага тўпланиб қолган табиий газ ҳидини сезмаган уй бекаси фуқаро Р.Г. электр тармоғидан фойдаланиш вақтида учқун чиқиши натижасида юзага келган чақнаш.
Ҳодиса юзасидан терговга қадар текширув ишлари олиб бормоқда.
kun.uz
