Блогер 60 нафар талабанинг контрактини тўлашга ёрдамлашди

0 60

Ҳуқуқшунос, блогер Хушнудбек Худойбердиев телеграм каналида 30 сентябргача давом этадиган талабалар учун махсус акция ташкил қилди.

Унга кўра, тадбиркорлар илк маротаба @xushnudbek каналида реклама жойлаштириш имконига эга бўлишди. Реклама эвазига эса эҳтиёжманд талабалардан бирининг контрактини тўлаб бериши талаб этилди.
Тадбиркорлар учун талабалар рўйхати махсус анкета орқали муштарийлардан сўровлар қабул қилинди. Ўртада шубҳа пайдо бўлмаслиги учун тадбиркорлар бевосита талабаларнинг ўзи билан боғлаб берилди.
Акция доирасида бугунги кунгача 60 нафар (47 нафар чин етим, 13 нафар отаси вафот этган) талабаларнинг тўлов-шартнома пули тўлаб берилди. Ҳозирда яна 4 нафар талабанинг контрактини тўлаш жараёнлари кетмоқда.
Тўланган 60 нафар талабанинг 59 нафари кундузги, 1 нафари сиртқи таълимда ўқийди. Кундузги таълимда 49 нафар талабага 1 йиллик, 10 нафар талабага ярим йиллик контракт тўланди (барчаси стипендияли кўринишда). 1 нафар сиртқи таълим учун ярим йиллик тўлаб берилди.

Ҳудудлар кесимида қаралганда, Самарқанд вилояти бўйича 8 нафар талабанинг контракти тўлаб берилган.
Хушнудбекнинг таъкидлашича, чиққан рекламалар сони анча кам, тўланганлар кўп. "Айримлар рекламани рад этиб, шунчаки эҳсон қилишди. Масалан, рўйхатдагиларнинг 80 %га битта компания тўлаб берди ва номи сир қолишини истади. Шунингдек, айрим рекламалар ҳали чиқмади, навбати билан эълон қилинади", деб ёзган блогер.
@xushnudbek канали ҳозирда энг йирик ўзбекча телеграм каналлардан бири бўлиб, аъзолари сони 174000 га яқинлашди.
Блогернинг хайрли ишларида доим омад ва муваффақият тилаймиз!




Ўхшаш янгиликлар


ЖАМОАТЧИЛИК НАЗОРАТИ