БЎШ ИШ ЎРИНЛАРИ МЕҲНАТ ЯРМАРКАСИ ЎТКАЗИЛДИ
Jamiyat / Tumanda bugun
02-июл, 12:10
222
0
Республикамиз бўйлаб ўтказилиб келинаётган "Ёшлар ойлиги"тадбирлари доирасида Каттақўрғон тумани марказидаги "Истироҳат боғи"да туман ҳокимлиги, туман прокуратураси, Ёшлар ишлари агентлиги туман бўлими, туман Бандликка кўмаклашиш маркази ва бошқа бир қатор ташкилотлар билан ҳамкорликда умумтаълим мактаблари битирувчилари, ишсиз ҳамда "Ёшлар дафтари"да турувчи ёшларни доимий иш ўринлари билан таъминлаш мақсадида навбатдаги "Бўш иш ўринлари меҳнат ярмаркаси" ташкил этилди.
Меҳнат ярмаркасида 200 нафардан ортиқ ёшлар иштирок этган бўлса, уларга тумандаги 20 та ташкилотлар томонидан 110 дан ортиқ бўш иш ўринлари таклиф этилди.
Ярмарка якунида 15 нафар ёшлар ўз мутахассисликлари бўйича турли ташкилотларга ишга жойлаштирилди, 10 нафардан ортиқ ёшларга эса ишга жойлашишга оид ҳуқуқий маслаҳатлар берилди.Ўз мухбиримиз.