Туманга секторлар штаби фаолиятини ўрганиш юзасидан Жиззах вилояти Дўстлик тумани секторлари раҳбарлари келишди. Меҳмонлар учун туман ҳокимлигида секторлар фаолияти бўйича тақдимот маросими бўлиб ўтди. Унда туман ҳокими в.б.Ж.Насриддинов секторларнинг штаблари фаолияти тўғрисида батафсил маълумот берди ва уларни қизиқтирган саволларига жавоб қайтарди.
Айни пайтда мамлакатимизда “маҳаллабай” ишлаш бўйича тизим йўлга қўйилмоқда. Каттақўрғон туманидаги Мўндиён МФЙда бу борада ибратли ишлар амалга оширилмоқда. Жиззахлик меҳмонлар маҳалладаги тизим билан атрофлича танишишди. 
Шу ернинг ўзида маҳалла драйверидан келиб чиққан ҳолда намунавий “Томорқа дўкони” ҳам намойиш этилди. Шундан сўнг меҳмонлар 1-сектор фаолияти билан танишиб, секторбай ишлаш учун барча шарт-шароитлар яратилганини гувоҳи бўлишди. Қўшҳовуз массивидаги лалми ерларни кооперациялар ташкил этиш орқали ўзлаштириш лойиҳаси бўйича амалга оширилаётган ишлар билан яқиндан танишишди.
Тушдан кейин Дўстлик тумани секторлари раҳбарлари тумандаги ёшлар ва хотин-қизларни “Касб-ҳунарга ўргатиш маркази”да бўлишди. 
Давлат хизматлари маркази биносида ташкил этилган “Лойиҳалар фабрикаси” билан танишиб, ўзларини қизиқтирган саволларга батафсил жавоб олишди.
“Аёллар” ва Ёшлар” дафтаридаги хотин-қизларни иш билан таъминлаш бўйича намунавий кооперация фаолияти билан яқиндан танишишди.
Шунингдек, Кадан МФЙ ҳудудида оммалаштирилаётган “Зинга-зинга” навли қулупнай етиштиришга асосланганкооперация, “Рустам пластекс” МЧЖ, “Зарина Файз Келажаги” МЧЖ ва “KATTAQO’RG’ON ELEKTROTEXNIKA ZAVODI” МЧЖларнинг фаолияти Дўстлик тумани секторлари раҳбарларида катта қизиқиш уйғотди. 
Демак, бундан буён Каттақўрғон ва Дўстлик туманлари ўртасида ўзаро манфаатли ҳамкорликка асосланган дўстлик ришталари боғланди.Жаҳонгир САФАРОВ.
