Яқинда ижтимоий тармоқларда “Каттақўрғон тумани “Агробанк” филиали томонидан мурожаатчилар сарсон бўлмоқда. Мижозлар, хусусан, кредит ололмай юрган ёшларга эътибор берилса бўларди...” деган мазмундаги хабар тарқалди. Ушбу хабар юзасидан қуйидагиларни маълум қиламиз: Каттақўрғон тумани Сайройқўрғон маҳалласи Бурқут қишлоғида яшовчи фуқаро Шахрўз Шарипов боғдорчилик қилиш мақсадида “Ҳар-бир оила тадбиркор” дастури доирасида кредит олиш учун "Агробанк" Пайшанба филиалига мурожаат қилган. Ушбу фуқаронинг мурожаати кредит комиссияси томонидан ўрганилиб, Шахрўз Шариповга уч банк иш кунида 33 миллион сўм миқдорида имтиёзли кредит маблағи ажратилиб берилди. Мурожаатчилар сарсон бўлаётгани йўқ.
"Агробанк" Пайшанба филиали маъмурияти
