Улуғ мутафаккир, сўз мулкининг султони Алишер Навоий таваллудининг 580 йиллиги муносабати билан буюк шоир таваллудига бағишланган адабий-маърифий тадбирлар Каттақўрғон туманида ҳам бўлиб ўтди.Эрта тонгдан Каттақўрғон тумани марказида жойлашган Алишер Навоий ҳайкали пойига гулчамбар қўйиш маросими бўлиб ўтди. Унда туман ҳокимлиги, корхона ва ташкилотлар ходимлари, жамоат ташкилотлари мутасаддилари, шоирлар, ёшлар ва кенг жамоатчилик вакиллари иштирок этди.
Тадбирнинг кейинги қисми Каттақўрғон тумани ҳокимлиги маданият бўлими "Концерт" залида бўлиб ўтди. Тадбирга хазрат Навоийнинг яшаб ўтган ҳаёти ва ижоди ҳақида сўз юритилди. Шунингдек, маданият бўлими хонандалар ва мактаб ўқувчилари томонидан Навоий ғазаллари қўшиқ қилиб куйланди.
