2020 йил 30 декабрда "Ўзбекистон Республикасининг "2021 йил учун Ўзбекистон Республикасининг давлат бюджети тўғрисида"ги қонуни ижросини таъминлаш чора-тадбирлари тўғрисида" Ўзбекистон Республикаси Президентининг қарори қабул қилинди. Президент қарорига мувофиқ, 2021 йил 1 февралдан бюджет ташкилотлари ходимларининг иш ҳақи, нафақа ва стипендия миқдори 10 фоизга оширилиши белгиланган.1 февралдан бошлаб мамлакатимизда меҳнатга ҳақ тўлашнинг энг кам миқдори - 747,3 минг сўм миқдорида (ҳозир 679,3 минг сўм), базавий ҳисоблаш миқдори - 245 минг сўм миқдорида (ҳозир 223 минг сўм) белгиланди.
Қарорда 14 ёшгача болалари бўлган оилаларга нафақа, бола икки ёшга тўлгунга қадар бола парвариши бўйича нафақа, кам таъминланган оилаларга бериладиган моддий ёрдам ҳамда Қорақалпоғистон Республикаси ва Хоразм вилоятидаги муҳтож оилаларга бир марталик моддий ёрдам миқдорлари белгиланди. Унга кўра битта болали оилаларга 144100 сўм,иккита болали оилаларга 238700 сўм,учта ва ундан ортиқ болали оилаларга 334400 сўм, бола икки ёшга тўлгунга қадар бола парвариши бўйича нафақа 434000 сўм қилиб белгиланди.
Шунингдек, кўрсатилган нафақа ва моддий ёрдам миқдорлари 2021 йил 1 февралга қадар тайинланган нафақа ва моддий ёрдамни тўлашда ҳам қўлланилади.
Илхом ЎРОҚОВ,
Каттақўрғон тумани БТПЖ
биринчи тоифали инспектори.
Каттақўрғон тумани БТПЖ
биринчи тоифали инспектори.
