Ҳозирги кунда туман ДСИда жисмоний ва юридик шахслар мурожаатлари билан ишлаш бўйича масъул ходимлар фаолият юритмоқда. Фуқароларнинг соҳага оид ариза ва мурожаатлари масъуллар иштирокида ўрганилади ва уларга қонун доирасида асосли жавоблар қайтарилади.
Рақамларга эътибор қаратадиган бўлсак, туман инспекциясига жорий йилда 39 та турли мазмундаги мурожаатлар келиб тушган бўлиб, улардан 27 таси ёзма ва 12 таси эса электрон шаклдаги мурожаатлардир. Келиб тушган мурожаатларнинг 5 тасини юридик мақомга эга бўлган хўжалик юритувчи субъектларнинг мурожаатлари ташкил қилади. Шуни айтиш керакки, ДСИ раҳбарияти томонидан мазкур мурожаатларнинг барчаси ўз вақтида назоратга олиниб, тегишли тартибда ўрганиб чиқилди. Ўрганишлар натижасида 6 та мурожаат бўйича тегишли чоралар кўрилиб, барча масалалар ижобий ҳал қилинди. Қолган 33 та мурожаат эгаларига керакли тушунтиришлар берилди. Шунингдек, вертуал қабулхона томонидан келиб тушган 3 та мурожаатнинг 2 таси ўз вақтида ижобий ҳал этилди ва 1 та мурожаат бўйича тушунтириш берилди.
Мамлакатимизда инсон манфаатлари ва қадр-қиммати улуғланаётган ҳозирги пайтда аҳоли мурожаатларига ижобий ечим топиш, кўтарилган муаммони зудлик билан бартараф этиш ва бу борада сансоларликка йўл қўймасликка алоҳида аҳамият қаратилмоқда.
Бир сўз билан айтганда инспекциямизда туманимиз аҳолисининг солиқ тизимига оид муаммоларини ўз вақтида ҳал этиш ва уларни ҳаётдан рози бўлиб яшашига кўмаклашиш муҳим вазифа сифатида белгилаб олинган.
Туман Давлат солиқ инспекциясида бундан буён ҳам аҳоли мурожаатларининг ўз вақтида ижросини таъминлаш бўйича мунтазаам равишда тегишли ишлар олиб борилади ва белгиланган топшириқлар ижроси қатьий назоратга олинади.
Ваҳоб СУЯРОВ,
туман ДСИ ходими.
туман ДСИ ходими.