Бошидан ўтган табибГипертония хасталигини яқинлаштирмаслик учун доимий равишда жисмоний ҳаракатда бўлиш лозим. Бунинг учун, албатта, тош кўтариш шарт эмас. Энг яхшиси, югуриш, велоспорт ёки сузиш билан шуғулланиш. Бунда машғулотлар ҳафтасига тўрт марта ўтказилади ва ҳар бири 40 дақиқадан кам бўлмаслиги лозим. Аммо эҳтиёт бўлинг, агар машғулот пайтида тўсатдан бошингиз оғриб қолса, машқларни дарҳол тўхтатинг ва қон босимингизни текширтиринг. Эҳтимол, у кўтарилгандир. Агар шундай бўлса, машқни бошқа кунга қолдириб, ўзингизни яхши ҳис эта бошлашингиз билан яна ҳаракатни давом эттиринг. Мен худди шу йўл билан наслимда, ҳатто танамда ҳам мавжуд бўлган гипертония хасталигига қарши курашиб келяпман. Натижа ёмон эмас. Неча йилдирки, қон босими ошишидан бирор марта бўлсин шикоят қилганим йўқ. Аксинча, тетик ва бардамман.
Собир БОБОҚУЛОВ
Тошкент шаҳри
(«7 Мўъжиза» хазинасидан)
