Ушбу мурожаатдаги газ таъминоти масаласи бўйича “Каттақўрғонтумангаз” филиали мутасаддилари бевосита жойига чиқиб ўргандилар ва қуйидагича муносабат билдирдилар: "Ўрганиш давомида Кадан маҳалласи ва ҳудуддаги бошқа туташ маҳаллалар аҳолиси ҳақиқатдан ҳам табиий газ тармоғига уланмаганлиги аниқланди.
Ушбу манзилдаги аҳоли вакилларига табиий газ етказиб бериш имконияти йўқлиги сабабли, табиий газ тармоғи кириш қисмидан тўхтатилган бўлиб, ҳудуд суюлтирилган газга мослаштирилган.
Ҳозирда суюлтирилган газ баллонлари ҳудуд аҳолисига туман ҳокимлиги томонидан тасдиқланган график асосида етказиб берилмоқда".
Каттақўрғон туман ҳокимлиги Ахборот хизмати.