Туман электр тармоқлари корхонасида “Коррупцияга қарши кураш-давр талаби” мавзусида давра суҳбати ўтказилди.Унда туман ҳудудий электр тармоқлари корхонаси бошлиғи, ҳисобчиси ва ходимлари иштирок этди. 
Давра суҳбатида туман прокурори ёрдамчиси И. Холматов, туман Истеъмолчилар ҳуқуқларни ҳимоя қилиш жамияти ҳуқуқшунос мутахассиси Ҳ. Рахимов қатнашди.Улар тадбирда коррупция хавф-хатарларини таҳлил қилиш ва аҳолининг кенг қатламларини хабардор қилиб, ҳуқуқий онгини ошириш, ОАВ орқали ташвиқот ишлари ва жамиятда бундай жиноятлар келиб чиқишининг олдини олиш бўйича назорат олиб борилиши,бугунги кунда коррупцияга қарши курашиш мақсадларига фақат жиноят-ҳуқуқий воситалар билан эришиб бўлмаслиги, бундай маънавий бузилиш ҳолатларига қарши курашишда нафақат давлат органлари, балки жамият ва барча фуқаролар масъуллиги ҳақида батафсил гапириб ўтишди. Шунингдек, давлат ва жамият шу билан бирга нодавлат нотижорат ташкилотлари коррупция иллатининг олдини олиш ва унга қарши курашда биргаликдаги ҳаракат қилсагина самарали натижаларга эришиш мумкинлигини таъкидладилар.
Тадбир қатнашчиларини қизиқтирган саволларга ҳуқуқ ходимлари батафсил жавоб беришди.Ўз мухбиримиз.
